काठमाडौं। कैलालीको लम्की चुहा नगरपालिकामा लगाइएको ताला तोडिएको छ ।
सरकारी सम्पत्ति दुरुपयोग गरेको लगायतका आरोप लगाउँदै नेपाल कम्युनिष्ट पार्टीले लगाएको ताला पाँच मिनेट नहुँदै फोडिएको हो ।
प्रहरीको सहयोगमा नगरपालिकाले नै ताला फोडेको हो । पुराना मोटरसाइकलहरू हुँदा हुँदा नयाँ मोटरसाइकल किनेर भ्रष्ट्राचार गरेको, सार्वजनिक खरिद ऐन विपरीत काम गरेको, नगर प्रमुखले व्यक्तिगत फाइदाको लागि सरकारी सम्पत्ति दुरुपयोग गरेको आरोप लगाइएको छ ।
नगर प्रमुख शुशीला शाहीले आफ्नै यामाहा शोरुमबाट महंगो मूल्यका मोटरसाइकल खरिद गरी वडाध्यक्षहरुलाई बाँडेको भन्दै त्यहाँका स्थानीय आन्दोलित भएका छन् ।
त्यस्तै, आवश्यकता र औचित्यहीन महँगो विलासी सवारी साधन खरिद गरेको र सरकारी बजेटमा ब्रमलुट मच्चाएको भन्दै नेपाल कम्युनिस्ट पार्टीले नगरपालिकाको आर्थिक प्रशासन शाखामा तालाबन्दी गरेको थियो ।
उनीहरूले मोटरसाइकल फिर्ता गर्न समेत चेतावनी दिएका थिए ।
प्रतिक्रिया
सम्बन्धित खवर
