कांग्रेस लुम्बिनि प्रदेशका सभापति एवम् प्रदेश २ रोल्पाका उम्मेद्वार अमरसिंह पुनले गंगादेव गाउपालिकास्थित जायचौरको मतदान केन्द्रबाट बिहान ७ बजे पहिलो मतदान गर्नुभएको हो । प्रतिनिधिसभा तथा प्रदेशसभा निर्वाचनको लागि बिहान ७ बजेदेखि मतदान प्रारम्भ भएको हो । प्रतिनिधिसभा तथा प्रदेशसभा निर्वाचनको मतदान पछि उहाँले निर्वाचनमा निर्भिकताका साथ मतदान केन्द्रमा पुगेर आफ्नो मताधिकार प्रयोग गर्न सम्पूर्ण मतदातालाई आग्रह समेत गर्नुभयो ।
सभापति पुनको राजनीतिक यात्रा
विसं २०२७ साल असार ५ गते रोल्पाको राँक गाविस ९हालको गंगादेव गाउँपालिका–४० जायचौरमा जन्मेका पुन पहिलो पटक १२ औं महाधिवेशन अन्तरगत २०६७ मा जिल्ला सभापतिमा १३ मतले पराजित भएका थिए ।
१३ औं महाधिवेशन अन्तरगत २०७२ मा फराकिलो मतान्तरले जिल्ला सभापति जितेका पुन पार्टीमा प्रभाव पार्दै जिल्लामा आफ्नो पकड जमाउन सफल भएका थिए। सोही क्रममा २०७४ मा देउवा नेतृत्वको चुनावी सरकारमा पुन सिँचाई राज्यमन्त्री समेत बनेका थिए ।
