रोल्पा । २८ औं जनयुद्ध दिवस लुङ्ग्री गाउँपालिका ४ नम्जामा पनि विविध  कार्यक्रम गरि मनाइएको छ । मिलनचोक देखि सानो नम्जासम्म र्याली गरि दिवस मनाइएको हो ।

कार्यक्रमको अध्यक्ष वडा नं.४ का वडा अध्यक्ष बिरबल खड्का रहनुभएको थियो कार्यक्रमको अन्य अथितिहरुमा लुङग्री गाउँपालिका दलित मुक्ति मोर्चाका इन्चार्ज टेक बहादुर सुनार, नेकपा माओबादी केन्द्र वडा कमिटीका सदस्य खैराम खड्का, नेकपा माओबादी केन्द्रका जिल्ला समवन्य समितिका सदस्य मिना सुनार, लुङग्री गाउँकार्य पालिकाका सदस्य इशा सुनार लगाएतको सहभागिता रहेको थियो ।

कार्यक्रमको स्वागत मन्तव्य शहिद परिवारको तर्फबाट आशे सुनारले गर्नुभएको थियो । दिवसको अवसरमा बोल्दै अथितिहरुले हिजोको बाचाबन्धन बिर्सेको समेत बताएको छन । कार्यक्रममा बोल्दै जनयुद्ध दिवसको बिदा दिँदा पनि अन्य लोकतान्त्रिक भनिने पार्टीहरू नबोलेका भन्दै लोकतान्त्रिक पार्टीहरूको निरीहता दिवसको रूपमा मनाउनुपर्ने टिप्पणी गर्नुभयो । उहाँले हत्या, हिंसा गरेको दिनलाई दिवसको रूपमा मनाउनु भएको भन्दै आफूहरूले त्यसको घोर विरोध गरेको बताउनुभयो ।

जनयुद्ध दिवसको अवसरमा शहिद परिवार प्रति सम्मान समेत व्यक्ति गरिएको थियो । जनयुद्ध नभइ सशस्त्र हिंसात्मक विद्रोह भएको बताउनुभयो । द्वन्द्व पीडित परिवारले आफूहरूले अझै न्याय नपाएको बताएका छन् । जनयुद्धको नाममा भएको युद्धमा अझै पनि हजारौँ बेपत्ता भएको भन्दै उनीहरूको खोजी सरकारले नगरेको गुनासो गरेका छन् ।

२८ औं दिवस कार्यक्रमको सञ्चालन नेकपा माओबादी केन्द्र पार्टीका वडा कमिटि सचिव पुस्कर केसीले गर्नुभएको थियो । फोटो महेन्द्र बिसी