जाजरकाेट । जाजरकोटकाे नलगाड नगरपालिकाकाे गेरेनी भिरमा भिरबाट खसेकाे ढुङ्गाले लागेर एक जनाकाे ज्यान गएकाे छ ।
ढुङ्गाले लागेर रुकुम पश्चिमकाे आठबीसकाेट नगरपालिका ११ चाैर घर भएका ३२ वर्षीय अशाेक खड्काकाे ज्यान गएकाे जिल्ला प्रहरी कार्यालय जाजरकोटका प्रहरी नायब उपरीक्षक (डीएसपी) सन्तोष रोकाले जानकारी दिनुभयो ।
टाउकाेमा चोट लागेर घाइते भएका खड्काकाे उपचारका क्रममा स्वास्थय चौकी दल्लीमा ज्यान गएकाे प्रहरीले जानकारी दिएको छ । उहाँसँगै बाइकमा सवार बमबहादुर खत्रीकाे अवस्था भने सामान्य रहेको छ ।
नलगाड ५ काे कालीमाटीबाट खारा गइरहेको भे १० प ६६७२ नम्बरकाे मोटरसाइकलमा सवार खड्कालाई भिरबाट खसेकाे ढुङ्गाले लागेकाे थियाे ।
प्रतिक्रिया
सम्बन्धित खवर
