अर्घाखाँची । अर्घाखाँचीको पाणिनी गाउँपालिकामा भएको ट्याक्टर दुर्घटनामा एक जनाको ज्यान गएको छ भने दुई जना घाइते भएका छन् ।
पाणिनि गाउँपालिका ८ पालीकामा आज बिहान लु २ त ९२७१ नम्बरको ट्याक्टर दुर्घटना हुँदा स्थानीय १८ वर्षका हुमबहादुर कुमालको ज्यान गएको जिल्ला प्रहरी कार्यालयका प्रमुख प्रहरी नायव उपरीक्षक मुकुन्द रिजालले बताउनु भयो ।
दुर्घटनामा २२ वर्षका चालक चामबहादुर कुमाल र ३९ वर्षका शंकरबहादुर कुमाल घाइते हुनुभएको छ । उहाँहरूलाइ उपचारको लागि पाल्पा पठाइएको छ ।
ट्याक्टरको ब्रेक फेल भइ बाटोबाट अन्दाजी एक सय ५० मिटर तल खस्दा दुर्घटना भएको र घटनाको थप अनुसन्धान भइरहेको प्रहरीको भनाइ छ ।
प्रतिक्रिया
सम्बन्धित खवर
