काठमाडौं । प्रदेश १ संसद सचिवालयका अधिकृतको मोटरसाईकल दुर्घटनामा परि मृत्यु भएको छ। कोसी लोकमार्गअन्तर्गत विराटनगर ३ स्थित ढाटमा आज बिहान मोटरसाइकल दुर्घटना हुँदा सचिवालयका अधिकृत प्रेमबहादुर श्रेष्ठको मृत्यु भएको हो ।
सरकारी मोटरसाइकल चलाएर सुनसरीको धरान उपमहानगरपालिका–८ घरबाट विराटनगरस्थित संसद सचिवालयतर्फ आउने क्रममा ५५ वर्षीय श्रेष्ठ दुर्घटनामा परेको प्रहरीले जनाएको छ ।
प्रहरीकाअनुसार श्रेष्ठ सवार प्रदेश १–०४–००१ ब ०००७ नम्बरको मोटरसाइकल र विपरितदिशाबाट आउदै गरेको को ३८ प ५३८७ नम्बरको स्कुटर एकआपसमा ठक्कर खाएका थिए।
दुर्घटनामा गम्भीर घाइते श्रेष्ठको मोरङको विराट शिक्षण अस्पतालमा उपचारकै क्रममा मृत्यु भएको हो।दुर्घटनामा स्कुटर चालक बूढीगंगा गाउँपालिका–२ का ३५ वर्षीय रोशन विक र पछाडि सवार विराटनगर–४ का २५ वर्षीय विशाल प्रसाईं सामान्य घाइते छन् ।
उनीहरुको विराटमै उपचार भइरहेको छ । मोटरसाइकल र स्कुटरलाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ ।
प्रतिक्रिया
सम्बन्धित खवर
