काठमाडौं। त्रिभुवन अन्तर्राष्ट्रिय विमानस्थलस्थित अध्यागमन कार्यालयको सर्भर डाउन हुँदा अन्तर्राष्ट्रिय उडान प्रभावित भएको छ। केही समय पहिले पनि यस्तै समस्या बेहोरेको अध्यागमन कार्यालयमा आज पनि सर्भर डाउन भएको हो । सर्भर डाउन हुँदा सयौं यात्रु समस्यामा परेका छन् ।

करिब एक घण्टादेखि सर्भरले काम नगर्दा आवागमन र प्रस्थानतर्फ भिसा र पासपोर्टको डिजिटल अध्ययन हुन नसकेपछि उडान प्रभावित भएको छ। अध्यागमनमा पटकपटक यस्तो समस्या हुँदा गृहमन्त्रालय र अध्यागमन विभागलाई ताकेता गरेपनि समाधान नभएको कर्मचारीको गुनासो गरेका छन् ।

सर्भर बिग्रिएको कारण फ्लाई दुबई, एयर इन्डिया, इण्डिको एयर, थाई स्माइल, मलेसियन एयरलगायतका उडान प्रभावित हुँदा ४ सय बढी मर्कामा परेका छन्। नेपालको उडान प्रभावित हुँदा तेस्रो मुलुकको यात्रा गरिरहेका यात्रुहरूको कनेक्टिङ फ्लाइट छुट्ने सम्भावना बढेको छ ।