कमल खड्का

६ फागुन होलेरी, रोल्पाको रुन्टीगढी गाउँपालिका वडा न ९ ले शुक्रबार जेष्ठ नागरिक सम्मान कार्यक्रम सम्पन्न गरेको छ । वडा कार्यालय सर्पालमा एक कार्यक्रम गरि सम्मान गरिएको हो । सम्मान ७२ वर्ष माथिका जेष्ठ नागरिकहरुलाई गरिएको थियो । कार्यक्रममा ५५ जना जेष्ठ नागरिकलाई सम्मान गरिएको हो । रुन्टीगढी गाउँपालिका वडा न ९ मा ७२ वर्ष देखि ९१ वर्ष सम्मका जेष्ठ नागरिकहरु रहेका अध्यक्ष चेतलाल खत्रीले जानकारी दिनुभयो । जेष्ठ नागरिकहरुलाई मायाको चिनो स्वरुप रुन्टीगढीको लोगो भएको एक एक पिस कप ,फाईबर सिरक राम्रो खालको बल्याङकेत उपलब्ध गराईएको थियो । साथै बिरामी पर्दा उपचारमा सहजता होस भन्ने उदेश्यका साथ जेष्ठ नागरिकहरुको निशुल्क बिमा समेत गरिएको थियो । जेष्ठ नागरिकहरुलाई सम्मान गर्दा जेष्ठ नागरिकहरु हर्षित भएका थिए । वडा सदस्य शिवराज घर्तीको स्वागत मन्तब्यबाट सुरु भएको कार्यक्रमको अतिथीको रुपमा स्वास्थय बिमाका खिम बहादुर घर्ती रहनु भएको थियो । त्यस्तै कार्यक्रमको अध्यक्षता वडा नम्बर ९ का अध्यक्ष चेतलाल खत्रीले गर्नुभएको थियो भने कार्यक्रमको सहजीकरण वडा सचिव धन बहादुर खड्काले गर्नु भएको हो ।