सन्तोष सुनार प्युठान । प्युठानमा आज मंगलबार दिउँसो कारदुर्घटना भएको छ । दुर्घटनामा चालकसहित ५ जना घाइते भएको प्रहरीले जनाएको हाे । प्युठानको बिजुवारबाट खरीबोट भन्ने स्थानतर्फ जाँदै गरेको बा. ०१०२७ च. ७८१६ नम्बरको निजी कार बाग्दुला – मच्छी सडक खण्डको सडकबाट झिमरुक नदि किनारमा खस्दा गाडीका चालक प्युठान नगरपालिका १० का बालाराम गिरी, सोही ठेगाना भएका रबिलाल गिरी, हेमा गिरी र झिमरुक ६, ताउखोलाका नन्दलाल गिरी र पुर्णा गिरी घाइते भएको जिल्ला प्रहरी कार्यालय प्युठानका जानकारी दिएको छ ।

घाइतेहरुको जिल्ला अस्पताल बिजुवारमा उपचार भैरहेको छ । गाडी के कसरी दुर्घटनामा भयो भन्ने बारेमा अनुसन्धान भइरहेको प्रहरीले जनाएको छ ।