संघीय संसद् भवन बानेश्वरमा भर्खरै सम्पन्न मतगणनाअनुसार यादव चौथो कार्यकालका लागि उपराष्ट्रपतिमा निर्वाचित हुनुभएको हो । निर्वाचित यादवले ३० हजार ३२८ मतभार प्राप्त गर्दै विजयी हुनुभयो ।उहाँले संघतर्फ १८४ र प्रदेशसभातर्फ ३२९ मत प्राप्त गर्नुभयो ।

उपराष्ट्रपतिमा निर्वाचित यादव बारा—२ बाट निर्वाचित प्रतिनिधिसभा सदस्यसमेत हुनुहुन्छ । उहाँ जसपाका संसदीय दलका नेतासमेत हुनुहुन्छ । विक्रम संवत् २०२७ सालमा बाराको कलैयामा जन्मिएका यादवले बीएस्सी, बीएडसम्मको अध्ययन गर्नुभएको छ । शिक्षण पेसा त्यागेर उहाँले २०४६ सालपछि नेपाल सद्भावना पार्टीबाट राजनीतिक यात्रा सुरु गर्नुभएको थियो ।