दाङ । नेपाली विद्यार्थी संघ रोल्पाका अध्यक्ष योगेन्द्र अनुपम जि.सी. ले नेविसंघ रोल्पालाई गौरव गर्न लायक संगठन बनाउने बताएका छन् । दाङस्थित घोराहीमा आयोजित नेपाल विद्यार्थी संघ रोल्पा दाङ सम्पर्क समिति गठन कार्यक्रमलाई सम्बोधन गर्दै नेविसंघलाई विद्यार्थी मैत्री, आधुनिक र घर टोलमा पाइने विद्यार्थी चौतारी बनाइने बताए । अध्यक्ष जिसीले नेविसंघलाई Centre for leadership developing forum को रुपमा विकास गरिने पनि बताए । उनले एकात्मक राजतन्त्रको अन्त्यदेखि संघीय लोकतान्त्रिक गणतन्त्रलाई संस्थागत गर्न नेपालमा विद्यार्थी आन्दोलनको अतुलनीय भूमिका रहेको स्मरण गर्दै अबको आन्दोलन शैक्षिक उपलब्धि प्राप्ती र अवसर सुनिस्चितामा केन्द्रित हुने बताएका छन् । पार्टी, विद्यार्थी र शैक्षिक गतिविधिमा केन्द्रित रहेर नेविसंघ रोल्पा अगाडि बढ्ने पनि जिसीले बताएका छन् । भेलामा नेपाली कांग्रेस रोल्पाका सचीव तिलक बुढाथोकी, नेविसंघ रोल्पाका निवर्तमान सचीव नारायण रेग्मी, नेविसंघ नेता रुद्रमणी रेग्मी लगायतका नेताहरूको सहभागिता रहेको थियो । भेलाले शिव वलीको अध्यक्षमा २१ सदस्यीय रोल्पा-दाङ सम्पर्क समिती गठन गरेको नेविसंघ रोल्पाले जनाएको छ ।